تصويت

شارك برأيــك

المتواجدون حالياً

محرك البحث

موقع سوق الشيوخ ::: الصفحة الرئيسية » الأخبار » شـعـر وشـعـراء

علــي .. ظافر علي العتابي
تاريخ : الخميس 02-09-2010 10:01 مساء

علي شجرة فرحنه بليل الهموم تزهي بكل وكت وتطش بالفراح علي كنز الامل للعاش محروم علي بليل اليتامى يرفرفرجناح علي حب الخلك مافرق بيوم للاهذا ضعيف وذاك جحجاح علي درع اليحامي وسيف مسموم من طبراته ملك الموت مرتاح وأذا تنشد فقاره الماعرف صوم تخبرك عورة ابن العاص من طاح ويخبرك مرحب اللي طاح مجسوم وابن ود والجمل من صكت ارماح نحبكم مــو بدينه كلوبنه تحوم وماندرى بذجركم ليش نرتــاح رادونه نرخصك ســاعة السوم واحنه سـنين لأ جلك نرخص ارواح ورادونه نبدلك خسـة الكوم ونكول فــلان الاحسن منك وشاح كلت خــل اقره وين فلان مضموم ياتاريخ خصٌه اوبـَي الاصحاح بلجي الكاه علم لــو صوت مكتوم لكيته للضهارى بنوم رداح ولكيتك وانت ابو الحسنين معلوم ابكتب كل الخلك للخير نضاح ولكيتك دمعـه بالمحراب موشوم ولكيت فـلان دمعه بعين تمسـاح ولكيتك وي صلاة فـلان مشتوم وانت الما يصلي عليك نباح ولكيت بكل سؤال فـلان ملصوم وعلي لكل العلوم انصاغ مفتاح ولكيتك در فلا جسك رخص يوم ولكيت فـلان كشه بحلك مرواح واذا لبسوهه كبلك ذيج الهدوم شيفيد الجفوف العايبه سلاح يظل طبع المهر ميدانه ويحوم ويظل طبع الكديش يدوس مسطاح وهي هذا طبعهه موش تعلوم وشيعللي الجدم عالراس ياصاح علي وانت بخبزتك من جدت يوم مسكين اعتنه ويم بابكم صاح ثلاثه اتصدقت وفلان متخوم وعمر عشته ابسغب وفلان لفاح وجدت حتى اعله جتالك يجيدوم شنهي بنادم انت لو ملك لاح علي واسمك تطرز فوك النجوم واسم ذولاك مدرى بيا كتر داح غناهم جذب من يعشك البوم واذانه يسدهه من تغريد صداح لكعه وطبع بعض الناس مختوم بالمكلوب تمشى وتبغي ترتاح وسمونه سـكارى وصحنه للدوم سـكارى بحب علي مـو من شرب راح وتطرحنه ابسكرنه نشوه ونكوم من نهج البلاغه نملي الاقداح نبع مثلك لكينه بهاي الرسوم تخبلنه نبدله بجيح ضحضاح ظافر علي العتابي مشكن / امريكا

مرات القراءة: 401 - التعليقات: 1

المشاركة السابقة : المشاركة التالية

الكاتب:	[بتاريخ : الجمعة 24-09-2010 02:39 صباحا ]
فدوه لهل الحجي اي يجنن عااشت ايدك علا هلشعر الرهيب -------------------------------------

أعلانات

جديد الموقـع

آراء وافكار

لايحتمل التأجيل

تاريخ سوق الشيوخ

الصوره تتحدث