تصويت

شارك برأيــك

المتواجدون حالياً

محرك البحث

موقع سوق الشيوخ ::: الصفحة الرئيسية » الأخبار » شـعـر وشـعـراء

(مستهدف) (الى السائرين على خطى الزهراء عليها السلام .. صبري السعدي
تاريخ : الخميس 02-09-2010 01:18 صباحا

مستهدف تضل يالرمزك انته اهلال وناس التيهت ضوه الهم اهلالك... مشروعك خطر سموه وانته ارهاب من جاست كصصهم صخرة اجبالك... سامحت اشكثر من اجل يعله الدين سامحت الرذيل اوصار جتالك... راسك عالرمح متعلك انته اسنين واعيالك سبايا ابكل سنه اعيالك... باقي انته جبل متعلي عالثايات واتلوذ الثوايه ابكثرة اضلالك... قرانك غذاء الروحك ابكل يوم وسوره امن الزغر تحفضهن اطفالك... الف واربعمية عام ومن بده التأسيس مشروعك تغذه ومن دم اجيالك... سجلت الماثر يارمز ثورات رمز كل الخلك باقي اول ارجالك... ثائر بالهند شاهد كلامه اعليه من كال ابحسينك الف هنيالك... عدوك مو غشيم ايصفح التاريخ واهلك يدري قمه واهله بذيالك... بس يعرف ومصيره ويدري بالخذلان لكنه ابحقد وبغدر يبرالك... من طف كربلاء الحد زمانك هاذ على درب الشهاده امقدم ارتالك... دمك ماوكف من اجل كلمة لا همك يبقه دينك مو هم احوالك... يتاازر الباطل من زمن هارون وتغير الدرب مامرت ابالك... وتمر العجاف ويشهد التاريخ ومن ذاك الزمن مايوم يصفالك... لكنك بقيت ابدربك الخطوه لان سيد الشهاده ابدمه خطالك... وعلى دربه مشيت وشهدت العشرين وحدر كترك افواج الطلبت انوالك... وكلمن ضاع حكه اتصير اله الطلاب وياما ضاع حكه اورد اله ابجالك... ما ردلك جميل ايبوكك اول يوم وايبوكك غدر لن خايف اخيالك... واتمر السنين اوينتفض شعبان ومن لمعن اسيوفك صارو اصحابك... ومن شافوه واصل ينتهي ابن ازياد عافوه او اجوك اوكلهم احبابك... لكن ثاني يوم اتعنو ابن ازياد اوجابو كل حثاله او وكفوا اببابك... وزرعوك ابمقابر ضنهم ايخلصوك ما ضنهم مقابر تصبح اكتابك... تاريخك قروه ابنص مقابر ضيم ويشك الاذن مو صوت ندابك... يعرفونك مضحي من اجل دينك دوم ومن طف كربلاء استرسل امصابك... تاريخك غني ما نافى شرع اودين ومصلصل نسب لو ذكروا انسابك... ماتسفك الدم او تذبح المضلوم وعلى الاعزل فلا سددت نشابك... سيفك ماشهرته ابلايه حك معلوم واتلاكي اليعيل ابهدأة اعصابك... وياما ابلاسبب اشكال من غدروك سيفك ما تسرع لازم اكرابك... تعبد بالطريق الجية الموعود وايدين الدناءه اعليك تتشابك... ذبحك كل وكت مالي الفضائيات واحمر كل شبر من دمك اترابك... مدرستك زهت تتباها بالطلاب اشما يكثر الجور اتزيد طلابك... يالدرسك زهه ابمدرسة اهل البيت وتتفاخر الدنيه ابزهوة اكبابك... باقي انته اويضل محتار بيك الكون وغصبن عاليضدك لازم ايهابك... لان ماشي ابدرب يهواه رسول الله ابدرب الخير والحب معتلي ارجابك... واطيابك تضل نسمات للاحرار وحتى الحاربك مافارك اطيابك... صح يثكل الجور وتندب الموعود يا مولاي تندب طول اغيابك... لان تعرف القائم لو ظهر شيصير وتحصل ابقدومه ثمرة اتعابك...

مرات القراءة: 385 - التعليقات: 0

المشاركة السابقة : المشاركة التالية

أعلانات

جديد الموقـع

آراء وافكار

لايحتمل التأجيل

تاريخ سوق الشيوخ

الصوره تتحدث