تصويت

شارك برأيــك

المتواجدون حالياً

محرك البحث

موقع سوق الشيوخ ::: الصفحة الرئيسية » الأخبار » شـعـر وشـعـراء

حمو رابي والرعية ... علي جبار العتابي
تاريخ : الإثنين 30-08-2010 12:08 صباحا

لو ردت تصبح فقير صير شاعر لا تهادن واكتب إلي أتشوفه عينك الليل اسود واللون اسود والصبح هم عدنه اسود الحرب تاكل شباب واحنه نلبس ثوب اسود فتش أدروب المدينة هم بقه من عدهم احد هذا حكم من الإله الحاكم يقرر حياتك الحاكم يقرر مماتك والنفس عليك ينعد كلشي ثابت للحكومة هي مطلق يكفي منك بس نفاق العب اشويه سياسة العب اشويه ديانة اويه الله الأيد تمتد أترس أيدك بس محابس ورصعه وحده على الجبين تكظي أيامك رفاهة والعمر باقيه تسعد اوهذا سر ثاني أكلك انهب أموال اليتامى وابني جامع والبس أعمامه جبيرة وأدعو للخاتم محمد لو ردت اتكظي عمرك بالسلام إذن ماكو ألسان ماكو اقفل أعيونك تعال أو صير أرمد والله من تحجي الحقيقة أنت أتقرر مصيرك تكظي نص عمرك سجين وأبواب ربك كلها تنسد حمو رابي يضمن أحقوق الرعية ماكو احد بالعراق يكدر ايوكف الظلم لا ما كو احد الطفل يلعب حرام و لوضحك فد يوم سنك تنحسب كفرة جبيرة الله أو لحد أو فنك اتكول الصراحة الحاكم أيوقع قرارك هاي تهمه اشكد بسيطة والسيوف عليك تنحد باطل انه من اسولف كلها تشرد أتخاف مني كلها تؤمن بالصراحة والحقيقة اليوم تشهد انه وأنت يمكن أنخالف يزيد أو نذبح حسين العصر وي جده احمد كلها تصرخ بالجوامع حي كوم أعلى الصلاة كلها تركع كلها تسجد كلها أتردد شهادة للذبح اوكاتم الصوت يشتد يا عراق شرد اسولف واليتامى أسراب تمشي بالشوارع ضيعت كل الدروب او ما سعد من عدهم احد يالعراقي آه منك تلبس أثياب الغشيم كلبك ابيض هذا طبعك بس سوالف دوم ترعد ما كو احد يكدر ايكول الحقيقة غير شاعر يصعد أبصوته يهلهل عالمنصة ماكو احد

مرات القراءة: 332 - التعليقات: 1

المشاركة السابقة : المشاركة التالية

الكاتب: ناصرعلال زاير	nasserzair@yahoo.com [بتاريخ : الإثنين 30-08-2010 04:54 مساء ]
عشت يامبدع  ياعتابي ياورد وهذا رابط ابوذيتين لكم وفاء لمروركم على مساحتنا واعجابا بعطاءكم اللمميز ناصر http://www.soqalshiyookh.com/home/news_view_4055.html -------------------------------------

أعلانات

جديد الموقـع

آراء وافكار

لايحتمل التأجيل

تاريخ سوق الشيوخ

الصوره تتحدث