تصويت

شارك برأيــك

المتواجدون حالياً

محرك البحث

موقع سوق الشيوخ ::: الصفحة الرئيسية » الأخبار » شـعـر وشـعـراء

خيبة أمل بمن عشقنا نسأل الله أن لاتستمر .. ناصرعلال زاير
تاريخ : السبت 04-09-2010 05:26 مساء

ياضني الجبير البيك خيبته ياخر عشك للروح------------ بيدك أنت دمرته عشكتك والعشك جتال------ ولجلك كلشي رخصته الأهل والمال والأولاد-------وحتى العمر ضيعته تتمقلج عليه أهواي-----------وأنا أو داعتك سكته –سكته وداعتك سكته شاف الظيم كلبي وياك ---------- كلبي وياك عذبته يالمضوج دليلي هواي -----------حد الجزع وصلته حد الكفر وصلته بس خلي أفتهم شتريد ------------ كلبي وعكلي دوهنته بس انت حلو بالكون --------- قابل أنته فد فلته عساه ساعة السوده ---------- شخصك بيه من شفته عمرك ماصفيت براي ------- بسرعه الراي غيرته بسرعه الراي بدلته سريع أهواي تتقلب ---------- عكلي الرزن سودنته مدري الناس ليك اتشير --------- لو مهزوز مدري أنته عمرك ماصفيت براي --------- حته الفكر دوخته لغيرك ماهوت روحي ---------- لغيرك بشر ماردته يالمعذب دليل أهواي ------------ عليش الكلب عذبته يالظلمك ظلماني ------------ ظلمك حيل زودته تخيط وياي وتخربط ---------- وضعي وياك خربطته جم موعد قطعته وياي ------- رجعت وياي واخلفته بس أرد أفتهم شتريد ---------- حته العكل خبلته مديت الحبل وياك -------- خلكي وياك طولته الحلم مافاد كل وياك --------- وكل الصبر جربته تحجي والحجايه أثكال ------- سمعته الحجي وعبرته حسبالي سهرنه أيفيد --------- التعب مايوم قيمته عشت وياك جدا جاد-------- أنا الماعشت سخته وربك من زرت حيدر--------- دعيت الكم من زرته والله من زرت حيدر ---------دعيت أهناك منزرته ولمن زرت أبو الأحرار------- بجيت أعليك من زرته ياخر للعشك للروح --------- بيدك أنته دمرته فديتك بالعمر والروح----------- وشخصك دوم مابعته عاهدتك عهد بالله ------------- شخصك أبد ماخنته بس لجلك شعر خطيت--------- شخصك وصف وصفته خليني أفتهم شتريد ------------- عليه الظلم كومته عفت الدنيه لعيونك ----------- عفت الناس كل الناس وشخصك لحظه ماعفته يلرسمك وسط بيتي وسط كلبي ------- وسط الروح علكته خليني أفتهم شتريد ------------- وضح شنهو الردته موقربت أكرهنك ------------- دلالك حيل زودته كلبي لو يون أعليك -------------- أطلعه وبيدي كصصته لان كلبي ولك طاقه -------------- وانت هواي حملته عمر بالذله يكضي وياك ----------- عابت عمر ماردته يالصنت العهد وياك ------------ عهدي ليش ماصنته كتبنالك شعر دولاب ------------ العالم كله حيرته نهار وليل أسولف بيك ------------- وحته النوم حرمته فهمني شجنيت وياك -------------- أمرك كله نفذته قدمتك على روحي ------------- وشخصك علي فضلته خليني أفتهم شتريد ---------------- يالحبك جبل شلته تعذبني واكول أهواك ----------------- شبابي وعمري دمرته أذا أنت تحب غيري --------------- يعني العهد ماصنته أذا أنت تحب غيري ---------------- خلني أفلت فرد فلته شخصك من يحب غيري -------------- تظل أشعاري فاضحته وكللك الف مبروك ----------- الف مبروك بالردته الف مبروك يامولاي --------- عليه العدو شمتته ماعلينه مهدى لسيداي المفرجي وبرغل ماعلينه خل الناس تحجي ماعلينه (لايهمنا كلام الناس) وعن حبكم حبيبي ماعلينه ( لم نبتعد عن حب المفرجي وبرغل) لاتفرح يشامت ماعلينه ( لم تصيبنا العلة ياشامت) بعدنه أبحيل نمشي أعله الوطيه ( مازلنا نسير بقوة على الارض) ناصرعلال زاير ----- عاشق رباني من ذي قار التاسعه مساء يوم الجمعه 3 / 9/ 2010 واكملت ظهر السبت 4/9 ومازالت القصيدة ناقصة رابط ذات صله بالموضوع http://www.alnoor.se/article.asp?id=88778&msg=sent#comments تحياتي

مرات القراءة: 614 - التعليقات: 6

المشاركة السابقة : المشاركة التالية

الكاتب: الدكتور ناجي كاظم	dr_naji33@yahoo.com [بتاريخ : السبت 04-09-2010 11:14 مساء ]
قصيدة اكثر من رائعة استاذ ناصر واحلى شي عجبني تتمقلج عليه هواي وانه وداعتك سكته تحياتي لك استاذ ناصر وتقبل مروري -------------------------------------

الكاتب: ناصرعلال زاير	nasserzair@yahoo.com [بتاريخ : الأحد 05-09-2010 05:52 صباحا ]
ياصباح الورد على عيون الحبيب الدكتور ناجي كاظم طبيب العيون الشاب الاخ والعزيز كونه مستشارا اقرب للحاج أبو صادق الأستاذ عزيز كاظم علوان المحافظ السابق والنائب الحالي عذرا يادكتور من تأخر ردي  لم فتح نت ليلة أمس ولا بالسحور أخي دكتور ناجي نجاح الشاعربرسم مايمر به بدقه فينقل المتلقي مابين الحزن والفرح والمديح والذم ولكن مهما كان الحبيب يبقى حبيب وغالي وكم تزاعلنا أنا وانت وقلنا لن نلتقي ثم التقينا لاننا نحب بعضنا بصدق ويجمعنا حب الحاج أبو صادق لاتصدق ماتقرأ فالعشق الرباني يجمعني بكم وبهيفاء والعشق الاكبر يجمعني بالحاج أبو صادق وبكم وبهيفاء وسادتي الصائغ عبدالاله والصائغ احمد وسردار وسلام كاظم فرج وشاديه وتانيا وسوزان والقائمة طويله عريضه ولكن الأنسان يحتاج الزعل والنقد ولا اقول الذم أو الهجاء وهيفاء مولاتي أعطتني كلام شرف وعهد الله أنها ستزور الناصرية وتسجل أكثر من حلقه للحاج أبو صادق ولي ولك واذا تعذرت الزيارة  سيتم ذلك عبر الأقمار كما أخبرتني الم أخلدكم بأبوذيتين الم تقلي أحذر أن تزعل العلويه الم تقلي ديربالك تقل للعلويه تحجي أي أرتدي الحجاب تره هاي موخوش فقره أسألك بالله هل التقينا يوم في بيت الحاج أبو صادق دون ذكر لهيفاء دون علم الحاج أبو صادق وأذا سألنا الحاج أبو صادق أشعدكم نرد سويه ماكو شي حجي ونخفي صور العلويه في اللابتوب عن الحجي ونفتح النت على مواضيع أخرى ونغير الموضوع  المهم هذه أبوذيتكم وناجي يهوفه بس أطلبيني وناجي طول الليل أنه أدعيلج وناجي فراس الحربي يشهدلي وناجي صوركم ماتفارك يوم  اليه أو لحظه اليه ذكركم مايفارك دوم اليه والله العظيم يادكتور العلويه  حنينه وطيبه  بس تنحسد مرات حسد رهيب وحقه تنحسد لانه حلوه وشاطره وتخبل وأني هم مرات أنحسد عليها وأنحاس ودائما مرات أخلصه  عرك وياها بالكتابه على الماسنجر شكرا الله يحفظكم ويحفظ العلويه لي للابد ولا انسى دعواتي لأخي وحبيب الحاج الأستاذ أبو صادق وبعد باجر انه أوياك عنده بالبيت كما طلب هو مني ذلك فهو الذي كلما أتصل قال سلمني على دكتور ناجي فأسألك فتقول أمس أتصلت به وهو يسلم عليك تحياتي دكتور الله لايشمت الحساد مع السلامه اخوكم وعضيدكم/ ناصر علال زاير ----عاشق من ذي قار سلامي لكل زملائك وأصدقاءك من الأطباء في دار الأطباء وكلهم معجبين وعشاق لهوفه واشعار هوفه وكلهم أصدقائي وأحبائي وبعد لاتزعل هوفه وصير ضدي كما كنت شكرا -------------------------------------

الكاتب: ناصرعلال زاير	nasserzair@yahoo.com [بتاريخ : الأحد 05-09-2010 07:30 صباحا ]
فقط توضيح سبب الخراب بين المحبين شياطين الأنس والجن وحجاية الوجهين وحتى أنا والأستاذ راجي الف مره تعاركنا بالكتابه أني أكله أنت موصاحب طويله وي ربعك وهويكول أنت  ما ألك صاحب وحذروني منك والان اني أموت على أستاذ راجي واخص شعري له وللنورفقط وفي يوم من الايام كنت معه فدخلت الاعلاميه هيفاء فاخبرتها من معي فقالت قل له أنا معجبه جدا بموقع السوق وسلمني على أستاذ راجي واشكره لنشره أشعاركم عني ففعلت ورد الاخ راجي فنقلت لهيفاء ثم أنسحبت هيفاء كالعاده بدون من من رخصتكم وغطت لثاني يوم مع السلامه ناصرعلال زاير----- الناصريه -------------------------------------

الكاتب: ناصرعلال زاير	nasserzair@yahoo.com [بتاريخ : الأحد 05-09-2010 08:24 صباحا ]
ومازالت أبوذياتنا تحتل واجهة موقع الأعلاميه  العلويه هيفاء  رغم نقدنا اللاذع لها وهذا مايؤكد روحها الرياضيه وتقبل النقد بروح عليه وهذه نقطة تقلب موازين القوى لصالح الاعلاميه هيفاء الحسيني شكرا ناصر تفضلوا  بالرابط http://www.hayfaa-alhussaini.com/Motamiz_mod/writers/inside/0/65/index.html مع السلامه -------------------------------------

الكاتب: ناصرعلال زاير	nasserzair@yahoo.com [بتاريخ : الأحد 05-09-2010 06:52 مساء ]
شكرا ياغالي يادكتور ناجي وعذرك مقبول  لانه لم تعلم لمن القصيده كتبت --------- لاتهتم للموضوع سيصل عذركم مباشرة لمن اعتذرت تحياتي                   أخوكم / ناصرعلال زاير------- الناصريه -------------------------------------

الكاتب: دكتور ناجي كاظم	@yahoo.com [بتاريخ : الأحد 05-09-2010 10:42 مساء ]
رائع في كل قصائدك يا ابوعلي تحياتي لك ولكادر موقع سوق الشيوخ المحترمون -------------------------------------

أعلانات

جديد الموقـع

آراء وافكار

لايحتمل التأجيل

تاريخ سوق الشيوخ

الصوره تتحدث