تصويت

شارك برأيــك

المتواجدون حالياً

محرك البحث

موقع سوق الشيوخ ::: الصفحة الرئيسية » الأخبار » شـعـر وشـعـراء

عزف على وتر الرصيف .. لفته مطير الباني
تاريخ : السبت 28-08-2010 05:13 مساء

يا فيّ الحدايق ظل بعد مشوار مسكونه البيوت وبيهه ريحة موت ...                                   كلساع ابكتر يندار ما مش بالولايه اعيون ...                         كلهه اعيون رمده ...                                     وماتشوف الصار هاي اطفال كلهه ازغار تعبهه المشي وثوب الشمس مشكوك ...                                   وادروب المذله ادروب ..                                                       كلهن عار هاي اطفال ... بيهه الوجع يرسم صورة المتعوب ...                                 ثوب ابلايه لون ...                                             وزيج ماله ازرار بيهه العطش يشرب دمعة المهضوم ...                                       وبيهه من السموم آثار جاعت ... والوكت جلاد ...             ومن جوع البطون اتخضر الكفار جاعت ...     والخبز مرهون ...                     بجفوف الكباحه ...                                   وشيمة الدينار ياليل اليتامه استر على العريان ...                               مو فاسد دهرنه ...                                               اشيصلح العطار صفنات الرصيف اتعور المجروح ...                                   والشارع جحيم ...                                                   ونار تحرك نار مشلول السمع من ريحة الكافور ...                                   من يشكي الخشب ...                                                     ما يسمع المنشار ولوصاح الجرح ما يسمع العطاب...                                     يا رخص اليموت ...                                                   وما خذوله الثار ما مش ثار ... جثه اطشرت بالكاع .. ما مش كل كبر ينزار والايد اليشلهه الخوف ...                         تكصر من تدور اعذار يا دنيه العواتك من ولاهه الجوع ...                                   كلفه اتطيح ذله وتدك باب الجار وحنه ابليل ...             مد روحه اعله طوله ...                                 وطبع بينه آثار وشلال الشتايم يصب فوك الراس ...                                   كلساع ابكتر يندار مذبوح الكمر ...             والحوته حدر الغيم ...                           والعين اعله سيفك تربي يا كرار هاي اطفال ... تعبت ... والمشي ايك بالجدم مسمار تعبت ...       والضماير موت ...                       شالت من خراب الوكت بس زنجار طبع الكاع تفتر ...               واليدوخ ايطيح ...                               شح الماي عدنه وبين المحار والدم التبده ايضيع ...                     كلش مالكه الفجار مكطوع الجسر ...               ذب روحه فوك الطين ...                                     مامش كنطره ...                                                     ولا بلجرف سمّار حوبة كل صريفه ابركبة البارود ...                                 ظل بس الرماد ايسجل التذكار اكتب يا قدرنه ...               اشكثر عدنه اقدار لاعين النفط ...             تشري اهدوم العيد ...                                 ولامن عين والي التجهب اعله الدار اعزف والرصيف اوتار خصبه الكاع عدنه ...                 وبيهه موت اشكال ...                                   يا موت التريده اختار كبّر والحناية الوان ...                 يا لون التريده اختار وبسطور الجرايد تقره بينه الناس ...                                   خلانه الزمان اخبار ..                                                     صرنه اخبار ..

مرات القراءة: 287 - التعليقات: 0

المشاركة السابقة : المشاركة التالية

أعلانات

جديد الموقـع

آراء وافكار

لايحتمل التأجيل

تاريخ سوق الشيوخ

الصوره تتحدث